Qashqadaryo viloyati IIBning yangi Migratsiya va personallashtirish boshqarmasi binosi qurilishiga start berildi
2026-05-28 09:00:00 / Yangiliklar
Qarshi shahrining “Navo” mahallasi hududida Qashqadaryo viloyati Ichki ishlar boshqarmasining yangi Migratsiya va personallashtirish boshqarmasi maʼmuriy binosi qurilishiga bagʻishlangan tamal toshi qoʻyish marosimi tantanali ravishda boʻlib oʻtdi.
Mazkur tadbirda Qashqadaryo viloyati hokimi Murodjon Azimov, viloyat rahbarlari, huquqni muhofaza qiluvchi organlar masʼullari hamda keng jamoatchilik vakillari ishtirok etdi.
Tadbir davomida ishtirokchilar yangi binoning zamonaviy loyihasi, unda yaratiladigan shart-sharoitlar hamda aholiga qulay va tezkor xizmat koʻrsatish imkoniyatlari bilan yaqindan tanishdi.
Taʼkidlanganidek, ushbu inshoot fuqarolarga migratsiya va personallashtirish sohasidagi davlat xizmatlarini yuqori saviyada, zamonaviy axborot texnologiyalari asosida koʻrsatishga xizmat qiladi.
Shuningdek, yangi binoning barpo etilishi aholiga yanada qulaylik yaratish, xizmat koʻrsatish sifatini oshirish hamda ichki ishlar organlari tizimida amalga oshirilayotgan islohotlarning mantiqiy davomi ekani qayd etildi.
Qashqadaryo viloyati IIB Axborot xizmati