Samarqand viloyati hududida “Qurbon hayiti” bayrami tadbirlarida jamoat xavfsizligi va fuqarolar osoyishtaligini taʼminlash yuzasidan yoʻriqnoma oʻtkazilib, kuch va vositalar xizmatga jalb etildi
2026-05-27 05:30:00 / Yangiliklar
“Qurbon hayiti” bayrami tadbirlari davomida jamoat xavfsizligini taʼminlash, fuqarolarning tinch va osoyishta dam olishlari uchun zarur shart-sharoitlar yaratish hamda huquqbuzarliklarning oldini olish borasida profilaktik chora-tadbirlar kuchaytirilmoqda.
Shu munosabat bilan Oʻzbekiston Respublikasi Ichki ishlar vaziri oʻrinbosari, polkovnik Ramazon Ashropov tomonidan viloyat huquqni muhofaza qilish organlari rahbar va xodimlari ishtirokida xizmat oldi yoʻriqnomasi oʻtkazildi.
Yoʻriqnoma davomida bayram kunlarida aholi gavjum boʻladigan maskanlar, masjidlar, bozorlar, istirohat bogʻlari hamda ommaviy tadbirlar oʻtkaziladigan hududlarda jamoat tartibini saqlashni yanada kuchaytirish yuzasidan aniq vazifalar belgilab berildi.
Shuningdek, yoʻl harakati xavfsizligini taʼminlash, transport vositalari harakatini tartibga solish, yongʻin xavfsizligi qoidalariga qatʼiy rioya etilishini nazorat qilish hamda fuqarolar murojaatlariga tezkor munosabat bildirish boʻyicha masʼul xodimlarga tegishli koʻrsatmalar berildi.