Navoiy viloyatida “Soʻnggi qoʻngʻiroq” bayram tadbirlarini xavfsiz oʻtkazishga bagʻishlangan saf yoʻriqnomasi oʻtkazildi
2026-05-25 09:00:00 / Yangiliklar
Navoiy viloyati Ichki ishlar boshqarmasi boshligʻi, polkovnik Azat Tasbayev ishtirokida umumtaʼlim maktablarida oʻtkaziladigan “Soʻnggi qoʻngʻiroq” bayram tadbirlarini xavfsiz va osoyishta tashkil etishga bagʻishlangan saf yoʻriqnomasi oʻtkazildi.
Unda viloyat hududida jamoat tartibini saqlash, fuqarolar xavfsizligini taʼminlash, yoʻl harakati xavfsizligini nazorat qilish hamda turli noxush holatlarning oldini olish boʻyicha xodimlarga aniq vazifa va topshiriqlar berildi.
Saf yoʻriqnomasi davomida taʼlim muassasalari atrofi hamda aholi gavjum maskanlarda xizmat olib boruvchi xodimlarning hushyorligi va masʼuliyatini yanada oshirish, bayramni koʻtarinki kayfiyatda, xavfsiz muhitda oʻtkazishlarini taʼminlash zarurligi taʼkidlandi.
Shuningdek, tadbirlar davomida ota-onalar, keng jamoatchilik va mutasaddi tashkilotlar bilan hamkorlikni kuchaytirish muhimligi qayd etildi.
Navoiy viloyati IIB Axborot xizmati