Namangan viloyati huquqni muhofaza qiluvchi organlar rahbarlari tomonidan viloyatda oʻtkaziladigan ommaviy tadbirlarni xavfsiz tashkil etish masalalari muhokama qilindi
2026-05-24 12:55:00 / Yangiliklar
Joriy yilning may oyida viloyat, shu jumladan Namangan shahri hududida oʻtkaziladigan “65-Xalqaro gullar festivali”, “Soʻnggi qoʻngʻiroq” tadbirlari hamda “Qurbon hayiti” bayrami munosabati bilan barcha huquqni muhofaza qiluvchi organlar xodimlari tomonidan jamoat xavfsizligini taʼminlash, huquqbuzarliklarning oldini olish borasida xizmatlar namunali tarzda tashkil etilgan.
Xususan, bugun viloyat rahbarlari tomonidan oʻtkazilgan muhokama yigʻilishida sohaga doir tashkilot va idoralar rahbarlari hamda masʼul vakillar ishtirok etdi. Yigʻilish davomida ommaviy tadbirlarni yuqori saviyada, xavfsiz va tartibli oʻtkazish, fuqarolar uchun qulay shart-sharoitlar yaratish, yoʻl harakati va yongʻin xavfsizligini taʼminlash, jamoat tartibini saqlash hamda tezkor xizmatlar faoliyatini muvofiqlashtirish masalalari atroflicha muhokama qilindi.
Shuningdek, tadbirlar oʻtkaziladigan hududlarda xavfsizlik chora-tadbirlarini tashkil etish boʻyicha tuzilgan ishchi guruhlar va tezkor boshqaruv markazining faoliyati oʻrganilib, masʼul rahbar va xodimlarga tegishli topshiriqlar berildi.
Namangan viloyati IIB Axborot xizmati