Namangan viloyati IIB rahbariyati tomonidan mahallalarda kompleks oʻrganish ishlari olib borilib, jinoyatlar muhokama qilindi
2026-05-23 19:25:00 / Yangiliklar
Viloyat hududida jinoyatchilikka qarshi kurashish, huquqbuzarliklarning barvaqt oldini olish hamda PQ-1 va PQ-2-son qarorlari ijrosini taʼminlash maqsadida manzilli profilaktik ishlar tizimli ravishda tashkil etilmoqda.
Jumladan, boshqarma boshligʻi rahbarligidagi ishchi guruh Norin tumanining “Xoʻjobod” va “Katta Yaydoq”, shuningdek, Uchqoʻrgʻon tumanining “A.Navoiy” hamda “Katta Moʻgʻol” mahallalarida boʻlib, hududlardagi profilaktika inspektorlarining xizmat faoliyati, mahalla xodimlari va tegishli idoralar bilan oʻzaro hamkorligi atroflicha oʻrganildi.
Shu bilan birga, mazkur hududlarda sodir etilgan oʻta ogʻir turdagi jinoyatlarning kelib chiqish sabablari va omillari tanqidiy-tahliliy muhokama qilindi.
Oʻrganishlar davomida jinoyat va huquqbuzarliklarning oldini olish boʻyicha manzilli ishlarni kuchaytirish, profilaktik tadbirlar samaradorligini oshirish hamda fuqarolar bilan ishlash tizimini yanada takomillashtirish yuzasidan masʼullarga aniq topshiriq va koʻrsatmalar berildi.
Namangan viloyati IIB Axborot xizmati