Prezident qarorlari ijrosi yuzasidan Buxoro viloyatida oʻrganishlar olib borilmoqda
2026-05-20 19:20:00 / Yangiliklar
Ichki ishlar vazirining birinchi oʻrinbosari general-mayor B.Qudratxoʻjayev rahbarligida Prezidentning 2026-yil 5-yanvardagi PQ-1 va PQ-2-sonli qarorlari ijrosi boʻyicha Buxoro viloyatida oʻrganishlar oʻtkazilmoqda.
Ishchi guruh, oʻz faoliyatini davom ettirib, Kogon shahridagi 3-sonli umumiy oʻrta taʼlim maktabi misolida viloyatda voyaga yetmaganlar tomonidan jinoyatlar va huquqbuzarliklar sodir etilishining oldini olishga qaratilgan ishlar bilan tanishildi.
Maktabda oʻquvchilarni munosib bilim olishlari uchun yaratilgan sharoitlar va boʻsh vaqtlarini mazmunli oʻtkazishlari uchun tashkil etilgan turli toʻgaraklar faoliyati oʻrganildi.
Maktabda yoshlarni ilm olishlariga, har tomonlama faol boʻlishga undash maqsadida qoʻllanilayotgan yangicha yondashuv asosidagi oʻquvchilar orasidan tanlangan liderlarni tanlab olish, fan olimpiadalari, sport va sanʼat musobaqalarida sovrindor boʻlgan oʻquvchilar tomonidan turli master-klasslarni oʻtkazib borish kabi uslublarning samarali natijalari koʻrsatib berildi.
Bundan tashqari, yoz mavsumida oʻquvchilarni boʻsh vaqtini manzilli tashkil etish yuzasidan Maktabgacha va maktab taʼlimi vazirligi hamda “Osonish.uz” platformasi orqali munosib ish va ishchi topish yuzasidan Kambagʻallikni qisqartirish va bandlik vazirligi masʼul rahbarlari tomonidan taqdimoti oʻtkazildi.
Oʻrganishlar davom etmoqda.