“Qoradori-2026” tezkor profilaktik tadbirlari doirasida Samarqand va Namangan viloyatlarida narkotik moddalarning noqonuniy aylanmasiga chek qoʻyildi
2026-05-20 18:05:00 / Yangiliklar
- Oʻzbekiston Respublikasi IIV va Samarqand viloyati IIB tezkor xodimlari tomonidan Samarqand viloyatining Urgut tumanida oʻtkazilgan tezkor-qidiruv tadbiri natijasida 2003-yilda tugʻilgan 2 nafar shaxs Mergancha MFY hududida 1 kg 32 gr gashish giyohvandlik vositalarni 9 300 AQSH dollar evaziga sotayotgan vaqtlarida ushlanib, ashyoviy dalillar hujjatlashtirib olindi.
- Namangan viloyat IIB tezkor-qidiruv xizmati hamda DXX xodimlari tomonidan viloyatning Uychi tumanida oʻtkazilgan navbatdagi tezkor tadbirda 1986-yilda tugʻilgan shaxsning yonidan 10 gr gashish giyohvandlik vositasi aniqlanib, kelish chiqish manzili surishtirilganda u giyohvandlik vositasini 1962-yilda tugʻilgan fuqarodan olganligi maʼlum boʻldi. U oshkor qilgan shaxsning xonadoni tekshirib koʻrilganda yashash manzili tovuqxonasidan 1 kg 85 gr gashish giyohvandlik vositasi ashyoviy dalil sifatida hujjatlashtirib olindi.
Har ikki holat yuzasidan ushbu shaxslarga nisbatan jinoyat ishlari qoʻzgʻatilib, tergov harakatlari olib borilmoqda.
Hurmatli fuqarolar, agarda siz ham shubhali faoliyat yoki shaxslar haqida maʼlumotga yega boʻlsangiz “Stopnarko_bot” telegram kanaliga yoki (77) 353-55-00, (77) 454-55-00, (71) 231-55-54, (71) 231-55-00, ishonch telefon raqamlariga xabar berishingizni soʻrab qolamiz. Shaxsingiz sir saqlanishi kafolatlanadi.