Tibbiy xizmat samaradorligi va kelgusidagi ustuvor vazifalar muhokama qilindi
2026-05-20 10:30:00 / Yangiliklar
IIV Markaziy gospitalining joriy yilning oʻtgan 4 oyi davomida amalga oshirilgan ishlari tahlil qilinib, sohada erishilgan natijalar hamda mavjud muammolar atroflicha muhokama qilindi.
Yigʻilishda ichki ishlar vaziri oʻrinbosari, polkovnik Diyorbek Sattarov, Tibbiyot boshqarmasi va Markaziy gospital rahbariyati hamda shaxsiy tarkib ishtirok etdi.
Tadbir davomida tibbiy xizmat sifati va samaradorligini yanada oshirish, xizmat intizomini mustahkamlash, zamonaviy tibbiy yondashuvlarni amaliyotga keng joriy etish hamda kelgusidagi vazifalarni samarali tashkil etish masalalari koʻrib chiqildi.
Shuningdek, yoʻl qoʻyilgan ayrim kamchiliklar tanqidiy-tahliliy ruhda koʻrib chiqilib, ularni bartaraf etish yuzasidan masʼullarga aniq topshiriq va vazifalar belgilab berildi.