Navoiyda viloyat Ichki ishlar boshqarmasi hamda Maktabgacha va maktab taʼlimi boshqarmasi boshliqlari rahbarligida kengaytirilgan videoselektor yigʻilishi oʻtkazildi
2026-05-19 09:00:00 / Yangiliklar
Navoiy viloyat Ichki ishlar boshqarmasi boshligʻi, polkovnik Azat Tasbayev hamda Maktabgacha va maktab taʼlimi boshqarmasi boshligʻi rahbarligida kengaytirilgan videoselektor yigʻilishi oʻtkazildi.
Unda shahar va tuman ichki ishlar boʻlimlari boshliqlari, jamoat xavfsizligi xizmati, Maktabgacha va maktab taʼlimi boshqarmasining masʼullari hamda inspektor-psixologlar ishtiroki taʼminlandi.
Yigʻilishda inspektor-psixologlar faoliyati tahlil qilinib, mazkur yoʻnalishda yoʻl qoʻyilgan kamchiliklar tanqidiy muhokama etildi.
Shuningdek, umumtaʼlim maktablarida oʻquv yili yakunlanishi munosabati bilan oʻtkaziladigan “Soʻngi qoʻngʻiroq” tadbirlarini xavfsiz, tartibli va yuqori saviyada tashkil etish yuzasidan amalga oshirilishi lozim boʻlgan chora-tadbirlar belgilab olindi.
Yigʻilish davomida taʼlim muassasalarida oʻquvchilar xavfsizligini taʼminlash, huquqbuzarlik va sodir etilishi mumkin boʻlgan yoʻl transport hodisalarini oldini olish, shuningdek, yoshlar bilan manzilli ishlash samaradorligini oshirish boʻyicha masʼullarga tegishli vazifa va topshiriqlar berildi.
Navoiy viloyati IIB Axborot xizmati