IIV rahbariyati tomonidan Toshkent shahri Mirobod tumanida joylashgan “Oq uy” hamda “Fayziobod” mahallalarida xavfsiz muhit yaratish boʻyicha amaliy ishlar oʻrganildi
2026-05-18 16:35:00 / Yangiliklar
Oʻrganish jarayonida mahallalarda profilaktika ishlarini samarali tashkil etish, aholi murojaatlari bilan ishlash, yoshlar oʻrtasida huquqbuzarliklarning oldini olish hamda xotin-qizlar xavfsizligini taʼminlash masalalariga alohida eʼtibor qaratildi. Shuningdek, mahalla yettiligi aʼzolari, profilaktika inspektorlari va mutasaddi tashkilotlar oʻrtasidagi hamkorlikni yanada kuchaytirish boʻyicha zarur tavsiya va topshiriqlar berildi.
Tadbir davomida mahalla yettiligi faoliyati, jumladan mahalla raisi, hokim yordamchisi, yoshlar yetakchisi, xotin-qizlar faoli hamda profilaktika inspektorining aholi bilan manzilli ishlash tizimi tahlil qilindi. Ayniqsa, profilaktika inspektorlari tomonidan huquqbuzarlikka moyil shaxslar bilan profilaktik suhbatlar oʻtkazish, ijtimoiy muhtoj oilalarni qoʻllab-quvvatlash va muammolarni barvaqt aniqlash boʻyicha amaliy ishlar samaradorligi muhokama etildi.
General-mayor Baxodir Mirzaraximov tomonidan mahallalarda “Xavfsiz mahalla” tamoyili asosida ishlarni tizimli davom ettirish, aholi bilan yaqin muloqotni kuchaytirish hamda profilaktik chora-tadbirlarni manzilli tashkil qilish yuzasidan masʼullarga tegishli koʻrsatmalar berildi.
Taʼkidlanganidek, mahalla yettiligi va profilaktika inspektorlarining hamjihatlikdagi faoliyati jamoat xavfsizligini taʼminlash, fuqarolar tinchligi va osoyishtaligini mustahkamlashda muhim ahamiyat kasb etadi.
Transport va turizm obyektlarida xavfsizlikni taʼminlash Departamenti Axborot guruhi