Sirdaryo viloyati IIB rahbariyati tomonidan xodimlarining toʻrt oylik faoliyatiga bagʻishlangan kengaytirilgan yigʻilish boʻlib oʻtdi
2026-05-17 17:55:00 / Yangiliklar
Yigʻilishda xizmatning hududiy boʻlinmalari rahbarlari, profilaktika inspektorlari ,soha masʼul xodimlari hamda xodimlarning ota-onalari ishtirok etdi.Yigʻilish davomida shuningdek davlatimiz rahbari tomonidan ichki ishlar organlari oldiga qoʻyilgan ustuvor vazifalar, jamoat xavfsizligini taʼminlash, mahallalarda jinoyatchilikni jilovlash, aholi bilan manzilli ishlash hamda “fuqarobay” tizimi asosida profilaktik faoliyat samaradorligini yanada oshirish masalalariga alohida eʼtibor qaratildi.
Shundan soʻng Huquqbuzarliklar profilaktikasi xizmati tomonidan joriy yilning oʻtgan 4 oyi davomida amalga oshirilgan ishlar, erishilgan natijalar hamda yoʻl qoʻyilgan kamchiliklar tanqidiy-tahliliy ruhda koʻrib chiqildi.
Ayrim hududlarda xizmat intizomi, fuqarolar bilan ishlash madaniyati, murojaatlar bilan ishlash sifati hamda profilaktik tadbirlarni tashkil etishdagi sustkashliklarni bartaraf etish yuzasidan masʼullarga aniq koʻrsatma va topshiriqlar berildi.
Tadbirning yakuniy qismida esa xizmat faoliyatida yuqori natijalarga erishib, viloyatda tinchlik va osoyishtalikni saqlash, huquqbuzarliklarning oldini olish hamda hamkasblariga har tomonlama oʻrnak boʻlib kelayotgan bir guruh xodimlar pul mukofotlari bilan, ularning ota-onalari esa boshqarma boshligʻining tashakkurnomasi bilan taqdirlandi.
Sirdaryo viloyati IIB Axborot xizmati