Namangan viloyati IIBda tergov sifatini oshirishga qaratilgan oʻquv-amaliy seminar tashkil etildi
2026-05-17 11:35:00 / Yangiliklar
Oʻzbekiston Respublikasi Bosh prokurori va Oʻzbekiston Respublikasi Ichki ishlar vazirining “Jinoyat ishlarini tamomlashda protsessual muddatlarni belgilash boʻyicha yangi amaliyotni joriy etish toʻgʻrisida”gi 2026-yil 24-mart kunidagi 23-sonli qoʻshma qarori hamda “Surxondaryo tajribasi” boʻyicha oʻquv-amaliy seminari boʻlib oʻtdi.
Mazkur seminar Namangan viloyati Jinoyat ishlari boʻyicha sudlov hayʼati raisi, viloyat prokurorining birinchi oʻrinbosari, viloyati IIB Tergov boshqarmasi boshligʻi boshchiligida oʻtkazilib, Tergov boshqarmasi va quyi boʻlinmalari tergovchilari, prokuratura organlari tergovchilari hamda sud xodimlari ishtirok etdi.
Seminar davomida Tergov boshqarmasida “Surxondaryo tajribasi” boʻyicha amalga oshirilgan ishlar va yoʻl qoʻyilgan kamchiliklar muhokama qilib oʻtildi.
Shuningdek, rahbarlar tomonidan tergovchilarga har bir jinoyat ishi boʻyicha protsessual muddatlarni aniq belgilash, ishlarni oʻz vaqtida yakunlash, fuqarolarning huquq va erkinliklariga rioya etilishi, tergov sifati va samaradorligini oshirish yuzasidan tegishli koʻrsatma va tavsiyalar berildi.
Seminar yakunida yoʻl qoʻyilgan kamchiliklarni bartaraf etish, jinoyat ishlarini tergov qilishda protsessual intizomni mustahkamlash hamda yangi amaliyotni quyi boʻlinmalarda toʻliq tatbiq etish yuzasidan aniq vazifalar belgilab olindi.
Namangan viloyati IIB Axborot xizmati