Ichki ishlar vazirligining “Xavfsiz shahar” tizimlarini rivojlantirish markazi tomonidan Andijon viloyatida texnik monitoring ishlari olib borilmoqda
2026-05-16 10:00:00 / Yangiliklar
Ichki ishlar vazirligining koʻrsatmasi ijrosini taʼminlash maqsadida “Xavfsiz shahar” markazining Andijon viloyati boʻlimi xodimlari tomonidan hududlarda oʻrnatilgan va platformaga integratsiya qilingan videokuzatuv kameralarining texnik holati oʻrganilmoqda.
Aniqlangan nosozliklarni bartaraf etish, qurilmalarga texnik xizmat koʻrsatish hamda tizimlarning uzluksiz ishlashini taʼminlash boʻyicha amaliy ishlar olib borilmoqda.
Shuningdek, joylarda radioaloqa qurilmalari, profilaktika inspektorlariga biriktirilgan planshetlar, elektron nazorat tizimlari va raqamli texnologiyalarning samarali ishlashi yuzasidan monitoring tadbirlari tashkil etildi.
Bundan tashqari, mahallalarda jinoyat va huquqbuzarliklarning oldini olish, xizmat faoliyatida zamonaviy raqamli yechimlardan samarali foydalanish hamda ichki ishlar organlari xizmatlari oʻrtasidagi hamkorlikni yanada mustahkamlash boʻyicha tegishli choralar koʻrilmoqda.
Ichki ishlar vazirligining “Xavfsiz shahar” tizimlarini rivojlantirish markazi