Buxoro viloyati IIB Voyaga yetmaganlarga ijtimoiy-huquqiy yordam koʻrsatish markazi faoliyati masʼullar tomonidan oʻrganildi
2026-05-16 09:00:00 / Yangiliklar
Oʻzbekiston Respublikasi Ichki ishlar vazirligi Jamoat xavfsizligi departamenti Huquqbuzarliklar profilaktikasi xizmati boshligʻining oʻrinbosari hamda Buxoro viloyati Ichki ishlar boshqarmasi Jamoat xavfsizligi xizmati Huquqbuzarliklar profilaktikasi boshqarmasi boshligʻi ishtirokida viloyatdagi Voyaga yetmaganlarga ijtimoiy-huquqiy yordam koʻrsatish markazining ish faoliyati va u yerdagi mavjud holat atroflicha oʻrganib chiqildi.
Mazkur jarayonda markazga keltirilgan bolalarning yashash ovqatlanish va boʻsh vaqtlarini mazmunli oʻtkazish sharoitlari shuningdek ularga koʻrsatilayotgan huquqiy tibbiy hamda psixologik yordamning sifati bevosita koʻzdan kechirildi.
Oʻrganishlar davomida rahbarlar tomonidan markaz xodimlarining yoshlar bilan ishlash tizimi qiyin hayotiy vaziyatga tushib qolgan oʻsmirlarni ijtimoiy hayotga moslashtirish va sogʻlom muhitga qaytarish borasida amalga oshirayotgan chora-tadbirlari chuqur tahlil qilindi.
Voyaga yetmaganlar oʻrtasida nazoratsizlik va huquqbuzarliklarning barvaqt oldini olish ularning qonuniy manfaatlarini ishonchli himoya qilish tizimini yanada takomillashtirish yuzasidan istiqboldagi vazifalar muhokama qilindi.
Yakunda markaz ish unumdorligini oshirish va yoshlar uchun yanada qulay ijtimoiy-huquqiy sharoitlar yaratish boʻyicha masʼul xodimlarga qator aniq koʻrsatma hamda topshiriqlar berildi.
Buxoro viloyati IIB Axborot xizmati