Navoiy viloyatining Tomdi, Uchquduq tumanlari va Zarafshon shahrida ichki ishlar organlari faoliyati oʻrganildi
2026-05-15 14:50:00 / Yangiliklar
Ichki ishlar vaziri oʻrinbosari, polkovnik Diyorbek Sattorov rahbarligidagi ishchi guruh tomonidan Tomdi va Uchquduq tumanlari hamda Zarafshon shahrida ichki ishlar organlari faoliyati, jinoyatchilikning oldini olish va profilaktika samaradorligi oʻrganildi.
Uchquduq tumanida IIB faoliyati, rejalashtirilgan loyihalar hamda kriminogen vaziyat yuzasidan taqdimotlar tinglanib, aniqlangan kamchiliklarni bartaraf etish boʻyicha aniq vazifalar belgilandi. “Navoiy” mahallasida mahalla yettiligi bilan uchrashuv oʻtkazilib, ijtimoiy profilaktika ishlarini kuchaytirish, aholi bilan manzilli ishlash hamda huquqbuzarliklarning barvaqt oldini olish yuzasidan topshiriqlar berildi. Shuningdek, faollar va tizim faxriylari ishtirokida ochiq muloqot tashkil etildi. 3-gidrometallurgiya zavodi faoliyati oʻrganilib, obyekt xavfsizligini taʼminlash boʻyicha amalga oshirilayotgan chora-tadbirlar koʻzdan kechirildi.
Tomdi tumanida chegara hududlarida jinoyatchilikning oldini olish va huquq-tartibotni mustahkamlash masalalari tahlil qilindi. “Sharq” mahallasida “Xavfsiz va raqamli mahalla” loyihasi doirasidagi ishlar taqdim etilib, mahalla yettiligi bilan mavjud muammolar muhokama qilindi.
Zarafshon shahrida shahar IIB faoliyati, zamonaviy situatsion markaz, xodimlar uchun psixodiagnostika xonasi hamda “Yashil makon” loyihasi doirasida amalga oshirilayotgan ishlar bilan tanishilib, koʻchatlar oʻtqazildi.
Shuningdek, 12-son jazoni ijro etish koloniyasida amalga oshirilayotgan ishlar, mahkumlar bilan tarbiyaviy tadbirlar hamda xodimlar faoliyati tahlil qilindi.
Umuman olganda, oʻrganishlar davomida har bir hududda jamoat xavfsizligini taʼminlash, jinoyatchilikning oldini olish va xizmat samaradorligini oshirish boʻyicha aniq vazifalar belgilandi.