Ichki ishlar vazirligi rahbariyati ishtirokida boʻlib oʻtgan yigʻilishda, xizmat samaradorligini oshirish hamda jinoyatchilikni oldini olish masalalari tanqidiy muhokama qilindi
2026-05-14 18:35:00 / Yangiliklar
Surxondaryo viloyati ichki ishlar boshqarmasida, Oʻzbekiston Respublikasi Ichki ishlar vazirining tegishli reja-topshirigʻi ijrosini taʼminlash maqsadida, viloyat hududida jinoyatchilikni “mahallabay” jilovlash, aholining kunlik ijtimoiy-maishiy muammolarini “fuqarobay” hal etish borasida amalga oshirgan ishlari, yoʻl qoʻyilgan xato va kamchiliklar hamda kelgusidagi istiqbolli vazifalar muhokama etildi.
Muhokama yigʻilishida Ichki ishlar vaziri oʻrinbosari polkovnik Ramazon Ashropov, viloyat ichki ishlar boshqarmasi boshligʻi polkovnik Timur Ismailov, boshqarma boshligʻi oʻrinbosarlari, barcha sohaviy xizmat rahbarlari, shahar-tuman ichki ishlar boʻlimlari boshliqlari, ularning barcha oʻrinbosarlari, boʻlinma boshliqlari, barcha shaxsiy tarkibi qatnashdi.
Videoselektor tarzida oʻtkazilgan yigʻilishda Ichki ishlar vaziri oʻrinbosari, polkovnik Ramazon Ashropovning viloyat hududida jinoyatchilikni jilovlash, huquqbuzarliklarga qarshi kurashish, jamoat tartibini saqlash, yoʻl-harakati xavfsizligini taʼminlash, qoʻriqlash xizmati tomonidan obyektlarni qoʻriqlovga olish, hududlarda kriminogen vaziyatni yaxshilash borasida amalga oshirilgan ishlar yuzasidan ichki ishlar vazirligi ishchi guruhi tomonidan olib borilgan oʻrganish ishlari hamda koʻrsatilgan amaliy yordam borasidagi maʼruzasi eshitilib, aniqlangan kamchilliklarni bartaraf etish boʻyicha ijroga qaratildi.
Shuningdek, muhokama yigʻilishda vazir oʻrinbosari, Prezidentimizning PQ-1 sonli va PQ-2 sonli Qarori ijrosi, “Chilonzor tajribasi”, “Mirzo Ulugʻbek tumani tajribasi”, murojaatlar bilan ishlash, viloyatda kriminogen vaziyat ahvoli va jinoyatchilikni jilovlash borasida koʻrilgan choralarni tanqidiy muhokama qildi hamda kelgusidagi vazifalarni belgilab berdi.
Shuningdek, korrupsiya va tamagirlikka yoʻl qoʻymaslik, xizmat intizomi va qonuniylikka rioya qilish, xodimlarning kasbiy, xizmat hamda jangovar tayyorgarligi borasida rahbariyatning qatʼiy talab va topshiriqlarini xodimlarga yetkazdi.
Tanqidiy ruhda oʻtgan yigʻilishda viloyatda huquqbuzarliklar profilaktikasi, jamoat tartibini saqlash, yoʻl harakati xavfsizligini taʼminlash, qoʻriqlovga olish, kiberjinoyatga qarshi kurash, sodir etilgan jinoyatlarida tergov va surishtiruvlarni olib borish borasida amalga oshirilgan ishlar atroflicha tahlil etildi.
Faoliyat davomida erishilgan yutuqlar bilan bir qatorda yoʻl qoʻyilgan kamchiliklar ham muhokama qilinib, jinoyatchilikning ayrim turlari oshgan shahar-tuman ichki ishlar boʻlimlari hamda sohaviy xizmat rahbarlariga bu borada amalga oshirilishi lozim boʻlgan chora-tadbirlar xususida aniq topshiriqlar berildi.
Yigʻilishda xizmat davomida kamchiliklarga yoʻl qoʻygan sohaviy xizmat hamda shahar-tuman IIBlarning ayrim xodimlari faoliyati muhokama etilib, tegishli taʼsir choralari belgilandi.
IIV huzuridagi Tergov departamenti