IIV rahbariyati tomonidan Qoraqalpogʻiston Respublikasi Xoʻjayli tumani “Navroʻz” va “Nurli jol” mahallalarida boʻlib, ” mahallalari “yettiligi“ hamda hududiy IIB xodimlarining kundalik ish faoliyatlari oʻrganildi
2026-05-13 19:00:00 / Yangiliklar
Oʻzbekiston Respublikasi IIV tizimida amalga oshirilayotgan islohotlar doirasida aholi bilan ishlash, mahallalarda tinchlik va osoyishtalikni taʼminlashga qaratilgan amaliy ishlar izchil davom etmoqda.
Shu maqsadda Ichki ishlar vaziri oʻrinbosari, general-mayor Mirzaraximov Baxodir Yuldoshevich Qoraqalpogʻiston Respublikasi Xoʻjayli tumanidagi “Navroʻz” va “Nurli jol” mahallalarida boʻlib, mahallalar “yettiligi” hamda hududiy ichki ishlar boʻlimi xodimlarining kundalik xizmat faoliyatini oʻrgandi.
Tashrif davomida mahallalarda profilaktika ishlarining tashkil etilishi, aholi murojaatlari bilan ishlash, yoshlar oʻrtasida huquqbuzarliklarning oldini olish, ijtimoiy muhofazaga muhtoj oilalarni qoʻllab-quvvatlash va jinoyatchilikni barvaqt bartaraf etish borasida olib borilayotgan ishlar tahlil qilindi.
Shuningdek, “mahalla yettiligi” aʼzolari va ichki ishlar organlari xodimlari oʻrtasidagi hamkorlik samaradorligiga alohida eʼtibor qaratildi.
General-mayor Bahodir Mirzarahimov har bir mahallada tinchlik va osoyishtalikni taʼminlash, fuqarolar bilan doimiy muloqot qilish hamda muammolarni oʻz vaqtida hal etish muhim vazifa ekanini taʼkidladi.
Oʻrganishlar jarayonida hududiy IIB xodimlarining xizmat intizomi, profilaktik tadbirlarni tashkil etish darajasi va aholi bilan ishlash usullari ham koʻrib chiqildi.
Kamchiliklarni bartaraf etish, ish samaradorligini yanada oshirish yuzasidan tegishli masʼullarga aniq topshiriqlar berildi.
Taʼkidlanganidek, bunday amaliy oʻrganishlar mahallalarda xavfsiz muhitni taʼminlash, aholi ishonchini mustahkamlash hamda huquqbuzarliklarning oldini olish tizimini yanada takomillashtirishga xizmat qiladi.
IIV Transport va turizm obyektlarida xavfsizlikni taʼminlash Departamenti Axborot guruhi