IIV rahbariyati tomonidan Xiva shahri va Xiva tumanlaridagi “Shomoxulum”, “Parchanos”, “Sangar”, “Qiblatozabogʻ” mahallalari “yettiligi“ hamda hududiy IIB xodimlarining kundalik ish faoliyatlari oʻrganildi
2026-05-12 10:10:00 / Yangiliklar
Oʻzbekiston Respublikasi Ichki ishlar vazirligi tizimida aholi tinchligi va xavfsizligini taʼminlash, mahallalarda huquqbuzarlik va jinoyatchilikning oldini olish, profilaktik ishlar samaradorligini oshirish borasida amaliy ishlar izchil davom etmoqda.
Shu maqsadda IIV oʻrinbosari, general-mayor Baxodir Mirzarahimov tomonidan Xiva shahri va Xiva tumanidagi “Shomoxulum”, “Parchanos”, “Sangar”, “Qiblatozabogʻ” mahallalarida xizmat faoliyatini oʻrganish ishlari olib borildi.
Oʻrganishlar jarayonida mahallalar “yettiligi” aʼzolari hamda hududiy ichki ishlar organlari xodimlarining kundalik xizmat faoliyati, aholi bilan ishlash tizimi, profilaktik chora-tadbirlarni tashkil etish holati atroflicha tahlil qilindi.
Xususan, mahallalarda ijtimoiy-maʼnaviy muhitni sogʻlomlashtirish, yoshlar oʻrtasida huquqbuzarliklarning oldini olish, muammoli oilalar bilan manzilli ishlash, “xonadonbay” tizimi asosida aholi murojaatlarini oʻrganish hamda jinoyatchilikni jilovlash borasida amalga oshirilayotgan ishlar koʻzdan kechirildi.
Shuningdek, profilaktika inspektorlari va sohaviy xizmatlar xodimlariga aholi bilan muloqotni yanada kuchaytirish, har bir murojaatga masʼuliyat bilan yondashish, huquqbuzarliklarning sabab va omillarini barvaqt aniqlash yuzasidan tegishli koʻrsatma va tavsiyalar berildi.
Tashrif davomida mahallalar “yettiligi” hamkorligida amalga oshirilayotgan ishlar samaradorligini oshirish, profilaktik tadbirlarni manzilli tashkil etish hamda jamoat xavfsizligini taʼminlash borasidagi vazifalar belgilab olindi.
Bunday amaliy oʻrganishlar aholi osoyishtaligini taʼminlash, mahallalarda tinch va xavfsiz muhitni mustahkamlashga xizmat qilishi taʼkidlandi.
Transport va turizm obyektlarida xavfsizlikni taʼminlash Departamenti Axborot guruhi