Namangan viloyati IIBda murojaatlar bilan ishlash hamda “Harakat xavfsizligi oyligi” doirasida amalga oshirilayotgan ishlar muhokama qilindi
2026-05-08 23:35:00 / Yangiliklar
Joriy yilning 20-aprelidan 20-mayiga qadar viloyat hududida “Harakat xavfsizligi oyligi” deb eʼlon qilinib, mazkur oylik doirasida yoʻl-transport hodisalarining oldini olish hamda harakat xavfsizligini taʼminlash borasida barcha sohaviy xizmatlar tomonidan profilaktik targʻibot tadbirlari va reydlar olib borilmoqda.
Jumladan, bugun boshqarma boshligʻi huzurida oʻtkazilgan muhokama yigʻilishida oylik doirasida amalga oshirilgan ishlarning 15 kunlik natijalari, shuningdek, jismoniy va yuridik shaxslardan kelib tushgan murojaatlar bilan ishlash holati tanqidiy-tahliliy ruhda koʻrib chiqildi.
Muhokama davomida yoʻl qoʻyilgan kamchiliklar atroflicha tahlil qilinib, kelgusida amalga oshirilishi lozim boʻlgan ustuvor vazifalar belgilab olindi. Shuningdek, masʼul rahbarlar hamda xodimlarga oylik doirasidagi profilaktik tadbirlarni yanada jadallashtirish, kelib tushgan murojaatlar yuzasidan qonunchilikda belgilangan muddatlarda qonuniy qarorlar qabul qilish, aholi murojaatlarida koʻtarilgan muammolarga samarali va amaliy yechim topish boʻyicha tegishli koʻrsatma hamda topshiriqlar berildi.
Namangan viloyati IIB Axborot xizmati