Andijon viloyati IIB rahbariyati tomonidan Paxtaobod tumanida “qizil” toifadagi mahallani “yashil” hududga aylantirish borasidagi ishlar oʻrganildi
2026-05-08 23:25:00 / Yangiliklar
Andijon viloyati IIB boshligʻi, polkovnik Sanjar Djabarov tomonidan Oʻzbekiston Respublikasi Prezidentining 2026-yil 5-yanvardagi PQ-1 va PQ-2-son qarorlarida belgilangan vazifalar ijrosini taʼminlash, hududlarda jinoyatchilik va huquqbuzarliklarning oldini olish hamda mahallalarda xavfsiz muhitni mustahkamlash maqsadida Paxtaobod tumanidagi Z.Habibiy mahallasida oʻrganish va amaliy yordam koʻrsatish ishlarini olib bordi.
Mazkur mahalla avval kriminogen vaziyati ogʻir, “qizil” toifaga kiritilgan hududlardan biri boʻlib, amalga oshirilgan manzilli profilaktik tadbirlar, “mahalla yettiligi” hamkorligidagi tizimli ishlar hamda aholi bilan olib borilgan samarali muloqotlar natijasida bugungi kunda “yashil” toifadagi mahallalar qatoridan joy oldi.
Oʻrganish jarayonida mahallaga biriktirilgan rahbarlar, ichki ishlar organlari masʼullari hamda “mahalla yettiligi” aʼzolarining faoliyati atroflicha tahlil qilindi.
Xususan, jinoyatchilik va huquqbuzarliklarning oldini olish, ijtimoiy profilaktika choralarini samarali tashkil etish, muammoli oilalar, nazoratdagi shaxslar, voyaga yetmaganlar hamda ishsiz fuqarolar bilan olib borilayotgan manzilli ishlar yuzasidan masʼullarning hisobotlari tinglandi.
Shuningdek, aholi murojaatlari bilan ishlash samaradorligini oshirish, yoshlar va xotin-qizlar bandligini taʼminlash, tungi nazorat tadbirlarini kuchaytirish hamda profilaktik tushuntirish ishlarini muntazam olib borish boʻyicha tegishli topshiriqlar berildi.
Shu bilan birga, “mahalla yettiligi” faoliyatini tizimli tashkil etish, har bir xonadon bilan manzilli ishlash va aholining muammolarini joyida hal etish orqali jinoyatchilikni jilovlash mumkinligiga alohida urgʻu berildi.
Tadbir soʻngida mahallada olib borilgan ishlarda namuna koʻrsatib kelayotgan mahalla yoshlar yetakchisiga Andijon viloyati IIB boshligʻining tashakkurnomasi hamda esdalik sovgʻasi topshirildi.
Andijon viloyati IIB Axborot xizmati