Toshkentda sohil voleyboli boʻyicha U-18 Osiyo chempionatining tantanali ochilish marosimi boʻlib oʻtdi
2026-05-07 14:00:00 / Yangiliklar
Toshkent shahrida oʻtayotgan sohil voleyboli boʻyicha 18 yoshgacha boʻlgan oʻsmirlar oʻrtasidagi Osiyo chempionatining tantanali ochilish marosimi boʻlib oʻtdi. Unda yurtimizda mazkur sport turining rivojiga alohida eʼtibor qaratilayotgani yana bir bor namoyon boʻldi.
Tadbir davomida ishtirokchilar va mehmonlarga samimiy qutlov soʻzlari yoʻllanib, chempionatga tashrif buyurgan jamoalarga muvaffaqiyat tilandi.
Marosimda bir qancha martabali mehmonlar ham ishtirok etishdi.
Jumladan, Oʻzbekiston Respublikasi ichki ishlar vaziri oʻrinbosari Sattorov Diyorbek Neʼmatjonovich, Oʻzbekiston Respublikasi sport vaziri oʻrinbosari Ismoilov Murod Valijonovich, shuningdek, musobaqa bosh homiysi — “S-PROMAX PLAST PREMIUM” korxonasi hamda Xalqaro innovatsion universitet taʼsischisi Mamataliyev Qodir Abrayevich, Oʻzbekiston voleybol federatsiyasi raisi oʻrinbosari Jamshid Shukrulloyevich Fayziyev, federatsiya bosh kotibi Farhod Alimovlar.
Ochilish marosimiga Oʻzbekiston Respublikasi Ichki ishlar vazirligining namunali orkestri oʻz chiqishlari bilan alohida koʻtarinkilik bagʻishladi.
Musiqa sadolari ostida oʻtgan tantana ishtirokchilar va tomoshabinlarda iliq taassurot qoldirdi.
Oʻzbekiston Voleybol federatsiyasi