Fargʻona viloyatida IIB va DXX hamkorligida huquqbuzarlik hamda jinoyatchilikning oldini olishga qaratilgan tezkor-profilaktik tadbirlar oʻtkazildi
2026-05-07 09:00:00 / Yangiliklar
Jamiyat osoyishtaligi va tinchligini taʼminlash maqsadida viloyat hududidagi 116 nafar nafar jinoyat sodir etishga moyil shaxslarning yashash manzillarida tezkor tadbirlar oʻtkazildi. Ulardan 95 nafari noqonuniy buyum va ashyolarni saqlab kelganligi aniqlandi.
Shuningdek, 21 nafar shaxs kelgusida huquqbuzarlik sodir etmasligi toʻgʻrisida ogohlantirildi. 68 nafar shaxslar harakatida jinoyat tarkibi, 27 nafarida maʼmuriy huquqbuzarlik holatlari aniqlanib hujjatlar rasmiylashtirildi.
Tadbir doirasida 14 ta sovuq qurol, 29 kilogramm 744 gramm giyohvandlik vositalari, 1 dona ov quroli, 32 dona patron, 42 dona pnevmatik qurol pistoni, 3 dona pnevmatik qurol va boshqa buyumlar olindi.
Bu kabi tezkor-profilaktik tadbirlar jamoat xavfsizligini taʼminlash hamda huquqbuzarlik va jinoyatchilikning oldini olish maqsadida muntazam ravishda davom ettirilmoqda.
Fargʻona viloyati IIB Axborot xizmati