Qashqadaryo viloyatida mahallalarda xavfsiz muhitni yaratish va jinoyatchilik profilaktikasini kuchaytirish boʻyicha ustuvor vazifalar belgilab olindi
2026-05-06 12:10:00 / Yangiliklar
Bosh prokurorning birinchi oʻrinbosari B. Valiyev rahbarligida Prezidentning 2026-yil 5-yanvardagi “Respublika mahallalarida xavfsiz muhitni yaratish yoʻnalishida yaxlit manzilli ishlash tizimini joriy etishga qaratilgan qoʻshimcha chora-tadbirlar toʻgʻrisida”gi PQ–1-sonli hamda “2026-yilda respublika mahallalarida jinoyatchilikning barvaqt profilaktikasi samaradorligini yanada oshirish boʻyicha tashkiliy chora-tadbirlar toʻgʻrisida”gi PQ–2-sonli qarorlari ijrosini taʼminlash maqsadida Qashqadaryo viloyatida Respublika idoralararo muvofiqlashtirish shtabi tashkiliy yigʻilishi boʻlib oʻtdi.
Kengaytirilgan tarzda oʻtkazilgan tadbirda Ichki ishlari vazirining birinchi oʻrinbosari B.Qudratxoʻjayev, viloyat prokurori B.Sayipov, viloyat ichki ishlar boshqarmasi boshligʻi A.Ismoilov, Respublika idoralararo muvofiqlashtirish shtabi va ishchi guruhi aʼzolari, Kambagʻallikni qisqartirish va bandlik, Adliya, Maktabgacha va maktab taʼlimi, Sogʻliqni saqlash, Oliy taʼlim, fan va innovatsiyalar vazirliklari, Oʻzbekiston mahallalar uyushmasi, Oila va xotin-qizlar qoʻmitasi hamda ularning hududiy boshqarmalari masʼul rahbarlari, huquq-tartibot idoralari taʼlim va ilmiy tashkilotlari rahbarlari, Bosh prokuraturaning tegishli boshqarmalari masʼul xodimlari, Qashqadaryo viloyati idoralararo muvofiqlashtirish shtabi va ishchi guruhi aʼzolari, shuningdek boshqa mutasaddi idora va tashkilotlar rahbarlari ishtirok etdilar.
Yigʻilishda viloyat mahallalarida xavfsiz muhitni yaratish boʻyicha yaxlit manzilli ishlash tizimini joriy etish, shuningdek jinoyatchilikning barvaqt profilaktikasi samaradorligini yanada oshirishga qaratilgan ustuvor vazifalar belgilab olindi.
Respublika idoralararo muvofiqlashtirish shtabining Qashqadaryo viloyatidagi oʻrganishlari davom etmoqda.
Qashqadaryo viloyati IIB Axborot xizmati