Xorazm viloyatda hokim va profilaktika inspektorlari oʻrtasida ochiq muloqot oʻtkazildi
2026-05-05 09:25:00 / Yangiliklar
Tadbirda viloyat hokimi Joʻrabek Raximov soʻzga chiqib, mahallalarda xavfsiz muhitni yaratish, jamoat tartibini saqlash, huquqbuzarliklarning barvaqt oldini olish borasida amalga oshirilgan ishlar va yoʻl qoʻyilgan kamchiliklarni chuqur tahlil etib, bu yoʻnalishdagi galdagi vazifalarga toʻxtaldi. Ochiq muloqot davomida profilaktika inspektorlarining takliflari, fikr-mulohazalari tinglandi, ayrim muammoli masalalarni hal qilish chora-tadbirlari belgilandi.
Xizmat faoliyatida yuqori natijalarga erishgan bir guruh profilaktika inspektorlari viloyat hokimining tashakkurnomasi va qimmatbaho sovgʻalar bilan mukofotlandi.
Tadbir yakunida ishtirokchilar uchun viloyat teatri ijodiy jamoasi tomonidan “Padarkush” spektakli namoyish etildi.
Xorazm viloyati IIB Axborot xizmati