Jizzax viloyati Zomin tumanida jinoyatchilikka qarshi kurash va profilaktika samaradorligini oshirish choralari muhokama qilindi
2026-04-30 11:30:00 / Yangiliklar
Zomin tumanida kriminogen vaziyatni barqaror saqlash, jinoyatchilikning oldini olish va profilaktika ishlari samaradorligini oshirishga bagʻishlangan muhokama yigʻilish oʻtkazildi. Unda mahalla “yettiligi”, huquqni muhofaza qiluvchi organlar, korxona va tashkilotlar rahbarlari ishtirok etdi.
Yigʻilishda hududda sodir etilgan huquqbuzarliklar mahallalar kesimida tahlil qilinib, ularning kelib chiqish sabablari tanqidiy koʻrib chiqildi. Ayniqsa, Yuksalish mahallasidagi ogʻir jinoiy holat misolida mavjud kamchiliklar ochib berildi.
Mutasaddilar tomonidan profilaktika ishlarini kuchaytirish, aholi bilan xonadonbay ishlash, “mahalla yettiligi” hamkorligini mustahkamlash boʻyicha aniq vazifalar belgilandi.
Jizzax viloyati IIB Axborot xizmati