Namangan viloyati IIB rahbariyatining oʻrganishlari Chust tumanida olib borildi
2026-04-29 18:15:00 / Yangiliklar
Hududlarda viloyat IIB ishchi guruhi tomonidan amalga oshirilayotgan kompleks oʻrganish ishlari davomida mahallalardagi jinoyatchilik holati chuqur tahlil qilinib, kelgusidagi ustuvor vazifalar belgilab berilmoqda.
Xususan, Chust tumanining “Chust gulzori”, “Yangi bogʻishamol” va “Laylak uya” mahallalarida olib borilgan oʻrganishlar davomida profilaktika inspektorlarining xizmat faoliyati atroflicha muhokama qilindi. Muhokamalar jarayonida mahallalarda jinoyatchilik va huquqbuzarliklarning oldini olish, PQ-1 va PQ-2-son qarorlar ijrosini taʼminlash hamda boshqa muhim masalalar yuzasidan aniq topshiriqlar berildi.
Shuningdek, tuman ichki ishlar boʻlimida rahbariyat tomonidan kelgusida hududda jamoat xavfsizligini taʼminlash va jinoyatchilikning barvaqt oldini olishga qaratilgan taqdimot bilan tanishildi. Unda xodimlarning xizmat vazifalari aniq belgilab berildi hamda masʼul shaxslar zimmasiga mahallalarni jinoyatdan holi hududlarga aylantirish boʻyicha tegishli vazifalar yuklatildi.
Mazkur turdagi oʻrganish ishlari viloyatning barcha hududlarida tizimli ravishda davom ettirilmoqda.
Namangan viloyati IIB Axborot xizmati