O‘zbеkiston Rеspublikаsi Ichki ishlаr vаzirligi

Hozirgi kundagi raqamlashtirish sohasiga doir amaliy koʻnikmalarini oshirish va yangiliklardan xabardor boʻlish, IIV huzuridagi MvaPD tizimida amalga oshirilayotgan islohotlar yangi joriy etilayotgan tizimlar hamda Ichki ishlar vazirligida mavjud axborot tizimlar va raqamlashtirish yoʻnalishida amalga oshirilayotgan islohotlar, shuningdek, foydalanib kelinayotgan dasturiy taʼminotlardagi yangiliklar va tizimdagi mavjud texnik muammolar va ularni yechimlari shu bilan birga fuqarolar murojaatlarini oʻz vaqtida koʻrib chiqish va kamaytirish choralarini koʻrib chiqish yuzasidan 2026-yil 23 va 24-aprel kunlari Qoraqalpogʻiston Respublikasi IIV, Toshkent shahar va Toshkent viloyati IIBB hamda viloyatlar IIB huzuridagi MvaP boshqarmalarining Raqamlashtirish texnologiyalar yoʻnalishidagi xodimlarga migratsiya boʻlinmalaridagi mavjud tizimlar va ularning yanada takomillashtirish yuzasidan Departament binosida ikki kunlik oʻquv-seminar tashkil etildi.

Ushbu tashkil etilgan oʻquv-seminarda davomida Oʻzbekiston Respublikasi Prezidentining 2026-yil 19-yanvar kunidagi “Ichki ishlar organlarining migratsiya va personallashtirish sohasidagi faoliyatini raqamlashtirish orqali sifat jihatidan yangi bosqichga koʻtarish chora-tadbirlari toʻgʻrisida”gi PQ–14-son Qarori bilan belgilangan amalga oshirilish lozim boʻlgan vazifalar, ushbu qaror bilan aholiga yanada qulay boʻlgan yangi tizimlar ishlab chiqish jarayonlari hamda hududlardagi mavjud muammolar va ularni yechimlari yuzasidan maʼlumotlar berildi.

Oʻquv-seminar davomida Adliya vazirligi, Raqamli texnologiyalar vazirligi, Ichki ishlar vazirligining sohaviy xizmatlari va dasturchi mutaxassislar taklif etilib savol javoblar koʻrinishda oʻtkazildi.

Oʻquv-seminarda faol qatnashgan xodimlarga Departament boshligʻi imzosi bilan imzolangan Sertifikatlar topshirildi.

IIV huzuridagi Migratsiya va personallashtirish departamenti