Andijon viloyati IIBda 2026-yil birinchi choragida amalga oshirilgan faoliyat yakunlari sarhisob qilindi
2026-04-23 17:30:00 / Yangiliklar
Andijon viloyati IIBda ichki ishlar vazirining birinchi oʻrinbosari — Jamoat xavfsizligi departamenti boshligʻi general-mayor Rustam Djoʻrayev raisligida 2026-yilning uch oylik xizmat faoliyati yakunlariga bagʻishlangan yigʻilish boʻlib oʻtdi.
Yigʻilish davomida jinoyatchilikka qarshi kurashish, huquqbuzarliklar profilaktikasi, shuningdek jamoat tartibi saqlash va fuqarolar xavfsizligini taʼminlash sohasida amalga oshirilgan ishlar natijalari tanqidiy jihatdan koʻrib chiqildi. Alohida eʼtibor amalga oshirilgan tezkor-profilaktik tadbirlar samaradorligiga qaratildi.
Viloyat IIB va uning boʻlinmalari rahbarlari tomonidan hisobotlar tinglandi. Xizmat faoliyatini tashkil etishda mavjud kamchiliklar qayd etildi. Shu bilan birga, jamoat xavfsizligini taʼminlash, huquqbuzarlik va jinoyatlarning oldini olishda yuqori natijalarga erishgan hamda yuqori professionallik namoyon etgan xodimlar ragʻbatlantirildi.
Tadbir yakunida mahallalarda xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish choralarini koʻrish boʻyicha Prezidentimizning 2026-yil 5-yanvardagi PQ-1-son qarorida belgilab berilgan vazifalar ijrosini sifatli bajarish asosida ish tashkil etish boʻyicha koʻrsatmalar berib oʻtildi.
IIV Jamoat xavfsizligi departamenti Axborot xizmati