Namangan viloyati mahallalarida jinoyatchilikni oldini olish boʻyicha kompleks oʻrganishlar oʻtkazildi
2026-04-23 11:10:00 / Yangiliklar
Namangan viloyati IIB rahbariyati tomonidan hududlarda jinoyatchilik va huquqbuzarliklarning oldini olish, profilaktika ishlari samaradorligini oshirish hamda kriminogen vaziyatni barqarorlashtirishga qaratilgan kompleks oʻrganishlar tizimli ravishda amalga oshirilmoqda.
Jumladan, viloyat IIB ishchi guruhi tomonidan Pop va Mingbuloq tumanlaridagi qator mahallalarda tuman hokimligi, prokuratura va tegishli idoralar vakillari ishtirokida amaliy oʻrganishlar oʻtkazildi. Unda profilaktika inspektorlari faoliyati, aholi muammolarini oʻrganish, profilaktik tadbirlar samaradorligi hamda hududlardagi kriminogen vaziyat atroflicha tahlil qilindi.
Shuningdek, oila-turmush doirasida sodir etilgan jinoyatlarning sabab va shart-sharoitlari oʻrganilib, mahallalarda xavfsiz muhitni taʼminlash, jinoyatlarni barvaqt oldini olish, aholi murojaatlarini manzilli hal etish, idoralararo hamkorlikni kuchaytirish va masʼul xodimlarning shaxsiy javobgarligini oshirish yuzasidan aniq vazifa va topshiriqlar berildi.
Namangan viloyati IIB Axborot xizmati