Namangan viloyati IIB rahbariyati tomonidan Davlatobod tumanida oʻrganish ishlari olib borildi
2026-04-23 00:40:00 / Yangiliklar
Namangan viloyati IIB rahbariyati tomonidan mahallalarda olib borilayotgan oʻrganish ishlari tizimli ravishda tashkil etilib, unda profilaktika inspektorlari hamda hududlarga biriktirilgan masʼul xodimlarning xizmat faoliyati, shuningdek, aholi xavfsizligini taʼminlash borasida amalga oshirilayotgan ishlar atroflicha tahlil qilinmoqda.
Xususan, Davlatobod tumanidagi oʻrganish ishlari “Davlatobod” mahallasidan boshlanib, profilaktika inspektori va biriktirilgan masʼul xodimlarning “Chilonzor tumani tajribasi“ asosida olib borayotgan faoliyati tanqidiy ruhda muhokama qilindi. Shundan soʻng, “Yangi tong“ mahallasining “Gʻalaba” koʻchasida oʻrnatilgan “SOS” tugmasining ishlash tartibi hamda ushbu yoʻnalishda xizmat olib borayotgan naryadlar faoliyati oʻrganildi.
Shuningdek, “Mustaqillik” va “Nurobod” mahallalarida xizmat olib borayotgan profilaktika inspektorlari hamda mahalla xodimlarining oʻzaro hamkorlikdagi ishlari chuqur tahlil etildi.
Oʻrganishlar davomida mahallalarda xavfsiz muhitni shakllantirish, “qizil” toifadagi hududlarni bosqichma-bosqich “yashil” toifaga oʻtkazish, shuningdek, “yashil” toifadagi mahallalarda kriminogen vaziyat barqarorligini saqlab qolish yuzasidan aniq topshiriqlar berildi.
Namangan viloyati IIB Axborot xizmati