Toshkent viloyati Chirchiq shahrida oʻquvchi-talabalar oʻrtasida huquqbuzarliklarning oldini olishga qaratilgan targʻibot kuchaytirilmoqda
2026-04-23 00:35:00 / Yangiliklar
Oʻzbekiston Respublikasi Prezidentining 2026-yil 5-yanvardagi PQ–1-son qarori ijrosi doirasida Ichki ishlar vazirligi Akademiyasi ishchi guruhi tomonidan Chirchiq shahridagi taʼlim muassasalarining oʻquvchi va talabalari ishtirokida profilaktik va targʻibot tadbirlari tashkil etilmoqda.
Professor-oʻqituvchilar hamda magistratura tinglovchilari ishtirokida oʻquvchi-talabalar oʻrtasida huquqbuzarliklarning barvaqt oldini olish, kiberjinoyatchilik va giyohvandlikka qarshi kurashish, bezorilik, shaxsga tan jarohati yetkazish mavzularida uchrashuvlar oʻtkazilmoqda.
Tadbirlar davomida yoshlarga amaldagi qonunchilik talablari, mavjud xavf-xatarlar va ularning oldini olish choralari yuzasidan aniq tushuntirishlar berilib, huquqiy madaniyatni oshirishga alohida eʼtibor qaratilmoqda.
Mazkur ilmiy-amaliy yondashuv yoshlar orasida huquqbuzarliklarning oldini olish va xavfsiz muhitni taʼminlashga xizmat qilmoqda.
Toshkent viloyati IIBB Axborot xizmati