Samarqand forumi doirasida Ichki ishlar vaziri general-leytenant Aziz Tashpulatov hamda Afgʻoniston Ichki ishlar vaziri oʻrinbosari Shayx Abdul Rahmon Munir boshchiligidagi delegatsiyaning uchrashuvi boʻlib oʻtdi
2026-04-21 18:30:00 / Yangiliklar
Uchrashuvda mehmonlar tomonidan Oʻzbekiston Respublikasi Prezidentining mintaqaviy muammolarni hamkorlikda hal etish borasidagi tashabbuslari, ayniqsa giyohvandlik moddalarining noqonuniy aylanmasiga qarshi kurashishda jahon hamjamiyatini ogohlikka chorlayotganligi eʼtirof etildi.
Ikki mamlakat huquqni muhofaza qilish tuzilmalari xususan, Ichki ishlar vazirliklari oʻrtasida davom etayotgan hamkorlik munosabatlarini yanada rivojlantirish, mintaqada xavfsizlikni taʼminlash, xususan transmilliy nakotahdidlarga qarshi kurash olib borish masalalari muhokama qilindi.
Oʻzbekistonda oʻtkazilayotgan “Jamoat salomatligi va xavfsizligini taʼminlash maqsadida transmilliy narkotahdidlarga qarshi kurashish” mavzusidagi global forum barcha chegaradosh davlatlar qatorida Afgʻoniston uchun ham har tomonlama muhim ekanligi taʼkidlanib, oʻzaro axborot almashinuvini yangi bosqichga olib chiqish boʻyicha kelishib olindi.
Oʻzaro doʻstona va samimiy ruhda olib borilgan uchrashuvda istiqbolli hamkorlikni izchil davom ettirish boʻyicha vazifalar belgilandi.