Ichki ishlar vazirligi rahbariyati tomonidan poytaxtdagi eng yirik bozorda jamoat tartibini taʼminlash tashkil etilishini oʻrgandi
2026-04-19 10:00:00 / Yangiliklar
Ichki ishlar vazirining birinchi oʻrinbosari — Jamoat xavfsizligi departamenti boshligʻi, general-mayor Rustam Djurayev poytaxtdagi eng yirik bozorlardan biri — “Chilonzor buyum bozori” (“Chilonzor savdo majmuasi”)da fuqarolarning jamoat tartibi va xavfsizligini taʼminlovchi xizmatlar faoliyatini oʻrgandi.
Tashrif davomida masʼul xodimlar tomonidan profilaktika inspektorlari, patrul-post xizmati boʻlinmalari, “Qoʻriqlash” xizmati, shuningdek yoʻl harakati xavfsizligi boʻlinmalari faoliyati yuzasidan hisobotlar tinglandi.
Alohida eʼtibor ichki ishlar organlari boʻlinmalari va Milliy gvardiya oʻrtasida xizmatni tashkil etish hamda oʻzaro hamkorlik masalalariga qaratildi.
Birinchi oʻrinbosar vazir huquqbuzarliklarning oldini olish boʻyicha amalga oshirilayotgan chora-tadbirlar samaradorligini yanada oshirish zarurligini taʼkidladi. Shuningdek, tashqi videokuzatuv kameralari integratsiya qilingan Situatsion markaz faoliyati alohida oʻrganildi.
Qayd etilganidek, vaziyatni real vaqt rejimida uzluksiz monitoring qilish imkoniyati yuzaga kelishi ehtimoli boʻlgan hodisalarga tezkor munosabat bildirish, shuningdek, bozor hududida jamoat tartibini taʼminlashga jalb etilgan ichki ishlar organlari kuch va vositalarini samarali boshqarish imkonini beradi.
Tashrif yakunida xizmat faoliyati natijalari tahlil qilinib, tegishli baho berildi hamda jamoat xavfsizligi va huquq-tartibotni yanada mustahkamlashga qaratilgan aniq vazifalar belgilab berildi.
IIV JXD Axborot xizmati