Ichki ishlar vazirligi rahbariyati tomonidan Qoraqalpogʻiston Respublikasi hududida 2026-yilning 3-oyi davomida jinoyat va huquqbuzarliklarning oldini olish borasida amalga oshirilgan ishlar sarhisobiga bagʻishlangan yigʻilish boʻlib oʻtdi
2026-04-16 17:00:00 / Yangiliklar
Yigʻilishda Ichki ishlar vaziri oʻrinbosari, general-mayor Baxodir Mirzaraximov, Qoraqalpogʻiston Respublikasi ichki ishlar vaziri polkovnik Baxtiyar Torebekov, vazir oʻrinbosarlari, sohaviy xizmat hamda shahar-tuman IIB rahbarlari ishtirokida 2026-yilning 3 oyi davomida xizmat faoliyati yakunlari boʻyicha sarhisob yigʻilishi oʻtkazildi.
Ichki ishlar vazirining birinchi oʻrinbosari soʻzga chiqib, respublikada kriminogen vaziyat haqida axborot berilib, soʻng respublika hududida sohaviy xizmatlar va ichki ishlar boʻlimlari tomonidan huquqbuzarlik va jinoyatchilikning barvaqt oldini olish, kriminogen vaziyati ogʻir boʻlgan hududlar, jinoyatchilikni jilovlashda yoʻl qoʻyilgan kamchiliklar faoliyatlari tanqidiy-tahlil etildi.
Oʻtgan yilda viloyat hududida jinoyat va huquqbuzarliklarning oldini olish, qonun ustuvorligini taʼminlash, jamoat tartibini saqlash, fuqarolar uchun xavfsiz muhitni yaratish borasida ichki ishlar organlari xodimlari tomonidan amalga oshirilgan ishlar, yoʻl qoʻyilgan xato va kamchiliklar hamda kelgusidagi ustuvor vazifalar muhokama qilindi.
Shuningdek, Davlatimiz rahbarining mahallalarda xavfsiz muhitni yaratishga qaratilgan qarorining mazmun-mohiyati, ijrosini taʼminlashda yettilik va huquqni muhofaza qiluvchi boshqa organlar bilan hamkorlikni mustahkamlash lozimligi taʼkidlandi.
Bundan tashqari fuqarolar murojaatlarini oʻrganish, tez va sifatli hal etish, xizmat intizomi hamda qonunchilik talablariga qatʼiy rioya etish yuzasidan tegishli koʻrsatmalar berildi.
Tanqidiy ruhda oʻtgan yigʻilishda kelgusida jinoyatchilikni oldini olish, jilovlash va fosh etish, fuqarolar tinchligi, osoyishtaligini taʼminlash va ayniqsa voyaga yetmaganlar oʻrtasida uchrayotgan giyohvandlik illatiga qarshi murosasiz kurashish borasida masʼullarga zarur topshiriqlar berilib, aniq vazifalar belgilandi.
Qoraqalpogʻiston Respublikasi IIV Axborot xizmati