Namangan viloyati IIB tomonidan profilaktika inspektorlari uchun sayyor oʻquv mashgʻulotlari tashkil etilmoqda
2026-04-16 09:00:00 / Yangiliklar
Oʻzbekiston Respublikasi Prezidentining 2026-yil 13-mart kuni oʻtkazilgan videoselektor yigʻilishida berilgan topshiriqlar ijrosi taʼminlash maqsadida IIVning tegishli farmoyishiga asosan Chust tumani Madaniyat markazida oʻquv mashgʻulotlari tashkil etildi.
Oʻquv jarayonlari Ichki ishlar vazirligi ishchi guruhi hamda viloyat ichki ishlar boshqarmasi mutaxassislari tomonidan zamonaviy interfaol metodlardan foydalangan holda olib borildi.
Mazkur oʻquv mashgʻulotlarida Pop, Chust, Toʻraqoʻrgʻon, Mingbuloq, tumanlarida faoliyat yuritayotgan profilaktika inspektorlari ishtirok etib, unda Prezidentimizning 2026-yil 5-yanvardagi PQ-1 va PQ-2-son Qarorlarining mazmun-mohiyati, jinoyatchilikning barvaqt profilaktikasi hamda aholi murojaatlari bilan ishlash tizimini takomillashtirish masalalariga alohida eʼtibor qaratildi.
Shuningdek, profilaktika inspektorlarining mahallalarda huquqbuzarliklarning oldini olish, aholi bilan samarali muloqot qilish, zamonaviy axborot tizimlaridan foydalanish boʻyicha amaliy koʻnikmalari oshirildi.
Taʼkidlash joizki, bunday sayyor oʻquv kurslari aholi murojaatlari bilan ishlash tizimini takomillashtirish, ichki ishlar organlarini xalqchil, ochiq va professional tizimga aylantirish hamda aholi murojaatlariga ishonchli va ochiq munosabatni taʼminlashda muhim ahamiyat kasb etadi.
Namangan viloyati IIB Axborot xizmati