IIV Jamoat xavfsizligi departamenti rahbariyati tomonidan Andijon viloyatida ayollar va voyaga yetmaganlar huquqlarini himoya qilishga qaratilgan targʻibot tadbirlari amalga oshirilmoqda
2026-04-16 09:00:00 / Yangiliklar
Oʻzbekiston Respublikasi Prezidentining joriy yil 3-martdagi “Ayollar va bolalar huquqlarining himoyasini kuchaytirish hamda ularga nisbatan tazyiq va zoʻravonlik holatlarining oldini olish boʻyicha qoʻshimcha tashkiliy-huquqiy choralar toʻgʻrisida”gi PQ 33-sonli farmoni ijrosini taʼminlash maqsadida keng qamrovli ishlar amalga oshirilmoqda.
Jumladan, Oʻzbekiston Respublikasi IIV JXD Huquqbuzarliklar profilaktikasi xizmati boshligʻining oʻrinbosari polkovnik Nilufar Giyasova tomonidan Andijon viloyatining bir qator shahar-tumanlarida targʻibot-tashviqot tadbirlari tashkil etilmoqda.
Ushbu tadbirlarda aholi, xususan, ayollar va voyaga yetmaganlarning huquqlari, erkinliklari hamda qonun bilan qoʻriqlanadigan manfaatlarini himoya qilish, huquqiy ongi va madaniyatini yuksaltirishga qaratilgan targʻibot ishlari oʻtkazildi.
Shuningdek, uchrashuvlar davomida tazyiq va zoʻravonlikning oldini olish, bunday holatlarga murosasiz munosabatni shakllantirish, jabrlangan shaxslarga amaliy yordam koʻrsatish tartibi hamda mavjud himoya mexanizmlari haqida batafsil tushuntirishlar berib oʻtildi.
Mazkur targʻibot ishlari jamiyatda sogʻlom muhitni shakllantirish, ayollar va bolalarning huquq va manfaatlarini ishonchli himoya qilish hamda zoʻravonlik holatlarining oldini olishga xizmat qilmoqda.
Andijon viloyati IIB Axborot xizmati