Ichki ishlar vazirligi huzuridagi Qoʻriqlash Departamenti rahbariyati tomonidan hududlarda qoʻriqlash xizmatini takomillashtirish boʻyicha oʻrganish ishlari olib borildi
2026-04-13 15:00:00 / Yangiliklar
Davlatimiz rahbarining mamlakatimizda Qoʻriqlash faoliyati sohasini samarali tashkil etish borasidagi topshiriqlari ijrosini taʼminlash maqsadida Qoʻriqlash Departamenti boshligʻi tomonidan Vodiy viloyatlarida Qoʻriqlash xizmatini tubdan takomillashtirish, mavjud muammolarni oʻrganish va ularni bartaraf etishda amaliy yordam koʻrsatish maqsadida oʻrganish ishlari olib borildi.
Davlatimiz rahbarining ichki ishlar organlarining Qoʻriqlash sohasidagi faoliyatini samarali tashkil etish borasidagi vazifalari ijrosini taʼminlash maqsadida Qoʻriqlash Departamenti boshligʻi Q.A.Shodibekov rahbarligidagi ishchi guruh tomonidan Andijon va Fargʻona viloyatlarida qoʻriqlash faoliyatini tubdan isloh qilish, Qoʻriqlash boʻlinmalari faoliyatini samarali tashkil etish maqsadida oʻrganish ishlari olib borildi.
Oʻrganishlar davomida Qoʻriqlash boʻlinmalarining umumiy faoliyati, qoʻriqda boʻlgan oʻta muhim va toifalangan hamda xalq xoʻjaligi obyektlarining texnik mustahkamlik holatlari, xodimlarning xizmat oʻtash sharoiti va taʼminlanganlik darajasi, shuningdek jangovar tayyorgarlik holati bilan tanishildi.
Obyektlar rahbarlari bilan uchrashilib, qoʻriqlanayotgan hududlarning xavfsizligini oshirish va raqamli texnologiyalar imkoniyatlarini keng joriy etish masalalari muhokama etildi.
Shuningdek Qoʻriqlash boʻlinmalarida xizmat qilib kelayotgan, xizmat vaqtida vafot etgan xodimlarning oilalari bilan ham muloqotlar tashkil etildi.
Xodimlarning farzandlari uchun barcha shart sharoit va imkoniyatlar yaratilib berishi uchun viloyatlar Qoʻriqlash xizmatlari masʼullariga vazifalar yuklandi.
Masʼullarga Qoʻriqlash boʻlinmalari monitoring markazlari faoliyatni ichki ishlar organlari navbatchilik qismlar bilan uzviy bogʻlash, tezkor harakatlanuvchi guruhlarning faoliyatini sohaviy xizmatlar bilan birgalikda tashkil etish hamda jinoyat va huquqbuzarliklarda hamkorlikda harakatlanishlarini tashkil etish boʻyicha topshiriqlar berildi.
Ichki ishlar vazirligi huzuridagi Qoʻriqlash Departamenti