Qoraqalpogʻiston Respublikasi IIV rahbariyati hamda boshqa masʼul idoralar ishtirokida ogʻir jinoyat sabablari tanqidiy muhokama qilindi
2026-04-10 09:00:00 / Yangiliklar
Nukus tumanida sodir etilgan ogʻir oqibatli jinoyatning kelib chiqish sabablari Qoraqalpogʻiston Respublikasi prokurori hamda Ichki ishlar vaziri boshchiligida atroflicha muhokama qilindi.
Yigʻilish davomida mazkur hodisaga olib kelgan omillar chuqur tahlil qilinib, jinoyatning kelib chiqishidagi asosiy sabab va shart-sharoitlar koʻrib chiqildi.
Muhokama jarayonida masʼul idoralar faoliyatida yoʻl qoʻyilgan kamchiliklar tanqidiy baholandi.
Xususan, joylarda profilaktika ishlarini tashkil etishda “mahalla yettiligi”ning oʻrni va masʼuliyatiga alohida eʼtibor qaratildi.
Ushbu tizim orqali aholi bilan yaqindan ishlash, muammolarni oʻz vaqtida aniqlash va bartaraf etish zarurligi taʼkidlandi.
Shuningdek, bunday noxush holatlarning oldini olish, jamoat xavfsizligini taʼminlash va huquqbuzarliklar profilaktikasini kuchaytirish boʻyicha aniq chora-tadbirlar belgilab olindi.
Yigʻilish yakunida mutasaddilarga kelgusida shunday holatlarning takrorlanishiga yoʻl qoʻymaslik, aholi bilan ishlashni yanada samarali tashkil etish hamda qonun ustuvorligini taʼminlash borasida tegishli topshiriqlar berildi.
Qoraqalpogʻiston Respublikasi IIV Axborot xizmati