Qashqadaryo viloyati IIB rahbariyati tomonidan Koson tumanida kompleks oʻrganish ishlari amalga oshirildi
2026-04-10 09:00:00 / Yangiliklar
Jumladan, Koson tumanida ham keng qamrovli oʻrganish ishlari amalga oshirildi. Dastlab tuman IIBda fuqarolar murojaatlari boʻyicha toʻplangan hujjatlar atroflicha tekshirilib, ularning oʻz vaqtida va sifatli koʻrib chiqilishi yuzasidan masʼullarga tegishli koʻrsatmalar berildi.
Shuningdek, kiber yoʻnalishda yurituvda boʻlgan jinoyat ishlari ham alohida koʻzdan kechirilib, tergov va surishtiruv jarayonlarini yanada takomillashtirish boʻyicha vazifalar belgilab berildi.
Oʻrganishlar davomida tumandagi savdo markazlari, “Ishonch” va “Imkon” doʻkonlarida ham boʻlib, fuqarolar tomonidan tuzilayotgan shartnomalarning qonuniyligi va shaffofligi tahlil qilindi.
Bu borada aholi manfaatlarini himoya qilish, turli huquqbuzarliklarning oldini olishga qaratilgan chora-tadbirlar belgilandi.
Bundan tashqari, tuman markazida joylashgan savdo va maishiy xizmat koʻrsatish shoxobchalarini qoʻriqlovga olish holati oʻrganilib, profilaktika inspektorlariga xavfsizlikni taʼminlash tizimini yanada kuchaytirish yuzasidan tegishli topshiriqlar berildi.
Shuningdek, tumanda harakat jadalligi yuqori boʻlgan kesishgan chorrahalarni tartibga solish, transport vositalari va piyodalar harakatini xavfsiz tashkil etish maqsadida zamonaviy svetoforlar oʻrnatish boʻyicha ham masʼullarga topshiriqlar berildi.
Amalga oshirilayotgan bunday oʻrganishlar hududlarda tinchlik va osoyishtalikni taʼminlash, fuqarolarning huquq va manfaatlarini ishonchli himoya qilishga xizmat qiladi.
Qashqadaryo viloyati IIB Axborot xizmati