IIV rahbariyati ishtirokida Fargʻona viloyati IIBda xizmat intizomi masalalari boʻyicha yigʻilish oʻtkazildi
2026-04-09 15:05:00 / Yangiliklar
Ichki ishlar vazirining oʻrinbosari – Maʼnaviy-maʼrifiy ishlar va kadrlar bilan taʼminlash departamenti boshligʻi, polkovnik Diyorbek Sattorov Fargʻona viloyat IIBda qonunchilik va xizmat intizomi yuzasidan yigʻilish oʻtkazdi.
Yigʻilishda shaxsiy tarkib oʻrtasida qonunchilik va xizmat intizomini mustahkamlash borasida amalga oshirilgan ishlar tahlil qilindi. Vazirlikning bu boradagi buyruq va topshiriqlari oʻqib eshittirildi.
Shuningdek, Vazir oʻrinbosari IIV Fargʻona akademik litseyida yaratilgan shart-sharoitlarni oʻrganib, oʻquvchilar bilan “Rahbar va yoshlar“ uchrashuvini oʻtkazdi.
Samimiy muloqot davomida yoshlarni qiziqtirgan savollarga atroflicha javob qaytarildi, ularning taklif va mulohazalari tinglandi. Shuningdek, yuqori natijaga erishib kelayotgan bir guruh yoshlarga qimmatbaho sovgʻalar topshirildi.
Fargʻona viloyati IIB Axborot xizmati