O‘zbеkiston Rеspublikаsi Ichki ishlаr vаzirligi

Oʻzbekiston Respublikasi Kriminologiya tadqiqot institutida 2026-yil 15-aprel kuni soat 10:00 da “Mintaqaviy (hududiy) jinoyatchilikning dinamikasi va tendensiyalari” mavzusida respublika ilmiy-amaliy konferensiyasi oʻtkazilishi rejalashtirilgan.

Konferensiyada muhokama qilinadigan masalalar:

- hududiy jinoyatchilikning oʻziga xos xususiyatlari;

- jinoyatchilik tendensiyalari (zamonaviy trendlar);

- jinoyatchilikka taʼsir etuvchi omillar;

- mintaqalar kesimida tahlili;

- jinoyat turlari boʻyicha dinamika;

- qonunchilik va huquqni muhofaza qilish amaliyoti taʼsiri;

- mazkur yoʻnalishdagi mavjud muammolar va ularning oldini olish boʻyicha takliflar.

Konferensiya rasmiy tillari: oʻzbek, qoraqalpoq, rus va ingliz tillari.

“Mintaqaviy (hududiy) jinoyatchilikning dinamikasi va tendensiyalari” respublika ilmiy-amaliy konferensiyasi materiallari toʻplam shaklida chop etilishi rejalashtirilgan boʻlib, konferensiya materiallariga quyidagi talabalar qoʻyilgan:

− maqola yoki tezis oʻzbek, qoraqalpoq, rus yoki ingliz tillarida taqdim etilishi;

− annotatsiya va kalit soʻzlardan iborat boʻlishi;

− matn kompyuterda “Microsoft Word” dasturining “Times New Roman” shriftida 14 kattalikda 1,5 intervalda yozilishi, elektron nusxada taqdim etilishi hamda matnning chap qismi 3 sm, oʻng qismi 1,5 sm, tepa va pastki qismlari 2 sm boʻlishi;

−maqola hajmi 6-9 sahifa, tezis hajmi 3-4 sahifa boʻlishi, grammatik va stilistik xatolarsiz, sifatli boʻlishi shart.

Konferensiyada ishtirok etishni xohlovchilar oʻz materiallarini toʻplamda chop ettirish uchun 2026-yilning 14-aprel kuniga qadar elektron koʻrinishda Institut masʼul xodimi (Isayev Sardor Alisherovich)ga taqdim etishlari lozim.

Murojaat uchun: +998-99-824-80-06.