IIV rahbariyati tomonidan Qoraqalpogʻiston Respublikasi IIV xodimlari faoliyatini yanada takomillashtirish, xizmat intizomi hamda fuqarolar xavfsizligini taʼminlashga qaratilgan yigʻilish boʻlib oʻtdi
2026-04-07 11:00:00 / Yangiliklar
Qoraqalpogʻiston Respublikasida huquq-tartibot organlari faoliyatini yanada takomillashtirish, xizmat intizomini mustahkamlash hamda aholi xavfsizligini taʼminlashga bagʻishlangan muhim yigʻilish boʻlib oʻtdi.
Mazkur yigʻilishda Ichki ishlar vaziri oʻrinbosari, general-mayor Baxodir Mirzaraximov ishtirok etib, hududiy ichki ishlar organlari xodimlari oldida turgan ustuvor vazifalar yuzasidan atroflicha toʻxtalib oʻtdi.
U oʻz soʻzida jamoat xavfsizligini taʼminlash, huquqbuzarliklarning oldini olish va fuqarolar bilan ishlash samaradorligini oshirish bugungi kundagi eng muhim yoʻnalishlardan biri ekanini taʼkidladi.
Yigʻilish davomida xizmat intizomi va masʼuliyat masalalariga alohida eʼtibor qaratildi.
Har bir xodim oʻz xizmat vazifasiga vijdonan yondashishi, aholi bilan muloqotda odob-axloq qoidalariga qatʼiy rioya qilishi lozimligi qayd etildi.
Shuningdek, zamonaviy axborot texnologiyalaridan samarali foydalanish, profilaktik tadbirlarni kuchaytirish va jinoyatchilikka qarshi kurashishda yangi yondashuvlarni joriy etish boʻyicha aniq topshiriqlar berildi.
Tadbir yakunida masʼullarga belgilangan vazifalarni oʻz vaqtida va sifatli bajarish yuzasidan tegishli koʻrsatmalar berildi.
Bu kabi uchrashuvlar hududlarda tinchlik va barqarorlikni taʼminlash, fuqarolarning huquq va manfaatlarini himoya qilishda muhim ahamiyat kasb etadi.
IIV Transport va turizm obyektlarida xavfsizlikni taʼminlash Departamenti Axborot guruhi