IIV Malaka oshirish institutida probatsiya xizmati faoliyatini takomillashtirish masalalari muhokama qilindi
2026-04-07 09:00:00 / Yangiliklar
Jamoat xavfsizligi departamenti boshligʻi oʻrinbosari — Probatsiya boshqarmasi boshligʻi Oʻroqov Azamat Shodiyevich Malaka oshirish institutiga tashrif buyurib, probatsiya xizmati xodimlari bilan uchrashuv oʻtkazdi.
Uchrashuv davomida xodimlarning kasbiy malakasini oshirish, xizmat faoliyatini samarali tashkil etish hamda probatsiya nazoratidagi shaxslar bilan ishlash samaradorligini kuchaytirish masalalari muhokama qilindi.
Shuningdek, probatsiya tizimining asosiy vazifasi — nazorat bilan birga shaxslarni toʻgʻri yoʻlga qaytarish, ularni jamiyatga moslashtirish va takroriy huquqbuzarliklarning oldini olish ekani taʼkidlandi.
Tashrif davomida tinglovchilarga oʻquv jarayonlariga masʼuliyat bilan yondashish, mashgʻulotlarda faol ishtirok etish va oʻz ustida muntazam ishlash zarurligi eslatib oʻtildi.
IIV Malaka oshirish instituti