O‘zbеkiston Rеspublikаsi Ichki ishlаr vаzirligi

Uch kun davom etgan mashgʻulotlarda ichki ishlar organlarining tergov va axborot texnologiyalari sohasidagi jinoyatlarga qarshi kurashish boʻlinmalari xodimlari, akademiya professor-oʻqituvchilari va kursantlari ishtirok etdi.

Xorijiy mutaxassislar tomonidan kriptovalyuta va uni tergov qilish usullari, ochiq manbalar razvedkasi (“OSINT”), “Maltego” va “Maigret” kabi dasturiy vositalardan foydalanish, kriptovalyuta operatsiyalarini kuzatish, blokcheyn tahlili orqali jinoiy mablagʻlar harakatini aniqlash, “wallet”lar oʻrtasidagi bogʻliqlikni tahlil qilish, internetdagi raqamli izlar asosida shaxsni aniqlash, “Maltego” dasturi orqali maʼlumotlar oʻrtasidagi aloqalarni vizual tahlil qilish, “Maigret” orqali internet platformalaridagi foydalanuvchi akkauntlarini aniqlash usullari yoritildi.

Shuningdek “Clearnet”, “Deep Web”, “Darknet” tushunchalari, ularning ishlash prinsiplari, “OPSEC” orqali jinoyatchining oʻz shaxsini yashirishga qaratilgan harakatlari va ularda yoʻl qoʻyiladigan xatolarni aniqlash, “Darknet” muhitida tergov olib borish, raqamli dalillarni aniqlash, yigʻish va saqlash, raqamli maʼlumotlarni tahlil qilish, “Live forensics” jarayonida operativ xotiradan maʼlumotlarni olish, faol jarayonlarni tahlil qilish va dalillarni tezkor qayd etish, “FTK Imager” dasturi orqali disk obrazlarini yaratish, fayllarni tiklash, raqamli dalillarni saqlash va tahlil qilish, “DdoS” hujumlar, veb-server loglarini tahlil qilish, hujum manbalarini aniqlash va turli manbalardan olingan maʼlumotlarni oʻzaro solishtirish haqida tushuncha berildi.

Mashgʻulotlar kiberjinoyatlarga qarshi kurashish va raqamli kriminalistika boʻyicha zamonaviy bilimlarni oʻrganish, Vengriyaning ilgʻor tajribalarini oʻzlashtirish, tajribali mutaxassislar bilan yaqindan fikr almashish imkonini berdi.

IIV Akademiyasi Axborot xizmati