Ichki ishlar organlarida qonuniylikni taʼminlash, xizmat intizomini mustahkamlash va kadrlar bilan ishlash samaradorligini oshirish masalalariga bagʻishlangan tanqidiy yigʻilish oʻtkazildi
2026-04-01 13:00:00 / Yangiliklar
Mazkur tadbirda Vazirlikning Maʼnaviy-maʼrifiy ishlar va kadrlar bilan taʼminlash departamenti hamda Shaxsiy xavfsizlik bosh boshqarmasi masʼul xodimlari ishtirok etdi.
Yigʻilish davomida tizimda kadrlar bilan ishlash tizimini takomillashtirish, korrupsiya va xizmat intizomini buzish holatlarini oldini olish, bu yoʻnalishda mavjud kamchiliklar hamda ularni bartaraf etish masalalari atroflicha tahlil qilindi.
Yigʻilishda masʼullarning axborotlari tinglandi, shaxsiy tarkibning xizmat burchiga zid harakatlar, korrupsiya va qonunbuzarlik holatlariga nisbatan murosasiz munosabatda boʻlish lozimligi hamda bu yoʻnalishda har bir rahbar xodimning shaxsiy javobgarligini chuqur his qilishi shartligi taʼkidlandi.
Tadbir soʻngida koʻrilgan masalalar yuzasidan masʼul rahbarlarga aniq topshiriqlar berilib, belgilangan vazifalar ijrosini taʼminlash yuzasidan qatʼiy nazorat oʻrnatilishi belgilandi.