Namangan viloyati IIB rahbariyatining Yangi Namangan tumanida sayyor qabul va kompleks oʻrganishlari oʻtkazildi
2026-03-28 14:15:00 / Yangiliklar
Namangan viloyati Ichki ishlar boshqarmasi rahbariyati tomonidan aholi murojaatlari bilan ishlash samaradorligini oshirish, mavjud muammolarni oʻrganish va ularga tezkor yechim topish maqsadida muntazam sayyor qabullar hamda joylarda kompleks oʻrganishlar olib borilmoqda.
Jumladan, Yangi Namangan tumanining “Bunyodkor” mahallasida oʻtkazilgan sayyor qabul davomida 14 nafar fuqaroning turli masalalar yuzasidan murojaatlari tinglanib, ular belgilangan tartibda rasmiylashtirildi va huquqiy tushuntirishlar berildi. Qoʻshimcha oʻrganish talab etilgan murojaatlar boʻyicha masʼullarga aniq topshiriqlar berilib, ijrosi nazoratga olindi.
Shu bilan birga, ishchi guruh tomonidan tumanning “Bunyodkor”, “Sahovat” va “Mustaqillikning besh yilligi” mahallalarida profilaktika inspektorlari hamda huquq-tartibot maskanlari faoliyati tahlil qilinib, jinoyatchilikning oldini olish, mahallalarni xavfsiz hududga aylantirish va aholi murojaatlari bilan manzilli ishlashni kuchaytirish yuzasidan tegishli koʻrsatmalar berildi.
Tuman hududidagi voyaga yetmaganlarga ijtimoiy-huquqiy yordam koʻrsatish markazi faoliyati ham oʻrganilib, yoshlar oʻrtasida huquqbuzarliklarning oldini olish, ular bilan individual ishlashni samarali tashkil etish boʻyicha masʼullarga vazifalar yuklatildi. Bu kabi oʻrganish va nazorat tadbirlari boshqa hududlarda ham izchil davom ettirilmoqda.
Namangan viloyati IIB Axborot xizmati