O‘zbеkiston Rеspublikаsi Ichki ishlаr vаzirligi

Oʻzbekiston Respublikasi Ichki ishlar vazirligi Qorovul qoʻshinlari qoʻmondoni polkovnik X.A. Batirov xizmat faoliyatini oʻrganish hamda shaxsiy tarkib bilan yaqindan muloqot qilish maqsadida Buxoro viloyatidagi 7536 harbiy qismga tashrif buyurdi.

Tashrif doirasida qoʻmondon harbiy qism hududi, maʼmuriy va oʻquv binolarini koʻzdan kechirdi. Asosiy eʼtibor harbiylar uchun yaratilgan maishiy va xizmat sharoitlariga qaratildi.

Oʻrganishlar davomida shaxsiy tarkibning xizmat oʻtash sharoitlarini yanada yaxshilash, bu borada amalga oshirilayotgan ishlarni jadallashtirish boʻyicha masʼullarga tegishli koʻrsatmalar berildi.

Harbiylar uchun har tomonlama qulay va zamonaviy muhit yaratish eng muhim vazifalardan biri ekanligi alohida taʼkidlandi.

Shundan soʻng, harbiy qismning barcha shaxsiy tarkibi ishtirokida kengaytirilgan yigʻilish boʻlib oʻtdi.

Muloqot davomida, harbiy xizmatchilar oʻrtasida har qanday koʻrinishdagi intizombuzarlik, huquqbuzarlik va qonunbuzilish holatlarining barvaqt oldini olish, soʻnggi vaqtlarda ichki ishlar organlari tizimida kuzatilayotgan ayrim salbiy holatlarni shaxsiy tarkib eʼtiboriga yetkazish hamda ularning kelib chiqish sabablari va oqibatlarini chuqur tahlil qilish, qayd etilgan koʻngilsiz holatlarning ushbu harbiy qismda mutlaqo takrorlanmasligi kafolatini yaratish uchun barcha zaruriy va qatʼiy choralarni koʻrish masalalari muhokama qilindi.

Yigʻilish yakunida muhokama qilingan yoʻnalishlar yuzasidan mutasaddilarga aniq vazifa va topshiriqlar belgilab berildi.

Shuningdek, bugungi kunda davlatimiz tomonidan Vatan posbonlariga yuksak eʼtibor qaratilayotganligi, ularning ijtimoiy himoyasini kuchaytirish hamda munosib xizmat sharoitlarini yaratish borasida izchil islohotlar olib borilayotganligi alohida eʼtirof etilib, har bir harbiy xizmatchi bunga javoban oʻz burchini vijdonan va sadoqat bilan bajarishi lozimligi taʼkidlandi.

Buxoro viloyati IIB Axborot xizmati