IIV Qorovul qoʻshinlari qoʻmondoni Qarshi shahrida joylashgan harbiy qismga tashrif buyurdi
2026-03-13 12:15:00 / Yangiliklar
Joriy yilning 11-12 mart kunlari Qorovul qoʻshinlari qoʻmondoni polkovnik Xasan Batirov IIVning topshirigʻiga asosan Oʻzbekiston Respublikasi Prezidentining Xavfsizlik Kengashining kengaytirilgan yigʻilishida belgilab berilgan vazifalar ijrosini taʼminlash maqsadida, Qarshi shahrida joylashgan harbiy qismga tashrif buyurdi.
Tashrif davomida qoʻshin qoʻmondoni harbiy qismdagi jangovar shaylik, jangovar xizmat faoliyati, jangovar va kasbiy tayyorgarlik, hamda maʼnaviy-maʼrifiy ishlar ahvoli, shuningdek, qonunchilik va intizomni mustahkamlashga qaratilgan ishlar ahvoli bilan yaqindan tanishdi.
Shu bilan bir qatorda obyektlar va harbiy shaharchalarda xavfsizlikni taʼminlash, shaxsiy tarkibga yaratilgan shart-sharoitlar, qurilish jarayonlarining sifati, yangi chaqiruvdagi muddatli harbiy xizmatchilarni kutib olish va ularni harbiy jamoaga moslashtirish borasidagi amalga oshirilayotgan tadbirlarni real holati atroflicha oʻrganilib, barcha yoʻnalishlardagi faoliyatni yanada jadallashtirish va takomillashtirish yuzasidan masʼullarga aniq vazifalar belgilab berdi.
Tashrif doirasida harbiy qism shaxsiy tarkibi ishtirokida profilaktik yigʻilish ham oʻtkazildi. Unda hozirgi kunda dunyo va mintaqada yuz berayotgan murakkab siyosiy jarayonlar, xavfsizlik masalalari hamda harbiy xizmatchilarning hushyorligi va masʼuliyatini yanada oshirish zarurligini taʼkidladi.
IIV Qorovul qoʻshinlari qoʻmondonligi