Oʻzbekiston va Filippin fuqarolarini oʻzaro harakatlanish masalalari muhokama qilindi
2026-03-13 11:15:00 / Yangiliklar
Joriy yilning 12-mart kuni Oʻzbekiston Ichki ishlar vazirligi huzuridagi Migratsiya va personallashtirish departamentida departament boshligʻi oʻrinbosari Behzod Sayfullayev Moʻgʻuliston va Filippinning Oʻzbekistondagi faxriy konsuli Bexbat Sodnom bilan uchrashuv oʻtkazdi.
Uchrashuv davomida Behzod Sayfullayev tomonidan mamlakatimizda turizm sohasida amalga oshirilayotgan islohotlar yuzasidan maʼlumot berildi hamda ikki davlat oʻrtasida migratsiya sohasida hamkorlik aloqalarni rivojlantirish istiqbollari muhokama qilindi.
Xususan, Oʻzbekistonda yashovchi Filippin fuqarolari va Filippinda yashayotgan Oʻzbekiston fuqarolari haqida maʼlumot almashinuvini yoʻlga qoʻyish masalalariga alohida eʼtibor qaratildi.
Kelgusida mamlakatlar oʻrtasida turizm sohasini rivojlantirish, noqonuniy migratsiyaga qarshi kurashish boʻyicha masʼul idoralar hamkorligini rivojlantirishga kelishib olindi.