“Payshanba – yoshlar kuni” doirasida Ichki ishlar vazirligi 1-son Akademik litseyida “Rahbar va yoshlar” uchrashuvi boʻlib oʻtdi
2026-03-12 21:50:00 / Yangiliklar
Davlatimiz rahbari tomonidan haftaning har payshanba kuni vazirlik va idoralarda “Yoshlar kuni” etib belgilanganligi munosabati bilan mamlakatimizda yoshlar bilan muloqot qilish, ularning taklif va tashabbuslarini qoʻllab-quvvatlashga qaratilgan qator tadbirlar izchil tashkil etilmoqda.
Shu munosabat bilan mazkur kun doirasida Oʻzbekiston Respublikasi Ichki ishlar vaziri oʻrinbosari polkovnik Sattarov Diyorbek Nematjanovich boshchiligida Ichki ishlar vazirligi 1-son Akademik litseyida oʻquvchi yoshlar bilan “Rahbar va yoshlar” mavzusida ochiq muloqot uchrashuvi tashkil etildi.
Tadbir boshida Oʻzbekiston Respublikasi Prezidentining yoshlarga murojaati aks etgan videorolik namoyish etildi.
Shundan soʻng soʻz Vazir oʻrinbosari soʻzga chiqib oʻz nutqida mamlakatimizda yoshlarga qaratilayotgan eʼtibor, ularni bilimli, tashabbuskor va vatanparvar shaxslar etib tarbiyalash, yoshlarning yurt taraqqiyotidagi oʻrni va masʼuliyati haqida alohida toʻxtalib oʻtib, oʻquvchi yoshlarga savolar bilan murojaat qildi.
Uchrashuvning navbatdagi qismida oʻquvchi yoshlar tomonidan taʼlim sifatini oshirish, kitobxonlik madaniyatini rivojlantirish, sportni ommalashtirish hamda iqtidorli yoshlarni qoʻllab-quvvatlashga qaratilgan qator taklif va tashabbuslar ilgari surildi. Vazir oʻrinbosari ular bilan ochiq muloqot tarzida fikr almashib, bildirilgan takliflarni qoʻllab-quvvatladi.
Tadbir yakunida faolligi bilan ajralib turgan oʻquvchilarga Vazir oʻrinbosari tomonidan tashakkurnoma hamda kitoblar toʻplami topshirildi. Shuningdek, ular bilan esdalik uchun suratga tushildi.
Uchrashuv soʻngida bildirilgan taklif va tashabbuslar yuzasidan masʼullarga tegishli topshiriqlar berilib, yoshlar bilan bunday muloqotlarni tizimli ravishda davom ettirish muhimligi taʼkidlandi.